• AEUNA

Հայը Եւ Հայաստանը Աստուածաշունչին Մէջ

Ուրբաթ, 20 Սեպտեմբեր 2019-ին, Երեկոյեան ժամը` 7.30 –ին, Փասատինայի Հայ Կիլիկիա Աւետարանական Եկեղեցւոյ՝ Տէրեան սրահին մէջ, տեղի ունեցաւ Դոկտ. Յովհաննէս Ահմարանեանի «Հայը եւ Հայաստանը Աստուածաշունչին Մէջ» Գիրքի ներկայացումը։



Բացման խօսքով հանդէս եկաւ Եկեղեցւոյ Վարչութեան Ատենապետ՝ Արա Ասիլեան։ Ան բարի գալուստի խօսք ուղղեց մշակութասէր եւ գրականասէր հանրութեան եւ անդրադարձաւ Դոկտ. Ահմարանեանի գրական բեղուն վաստակին եւ ներկայացուց ու հրաւիրեց Եկեղեցւոյ Հովիւը՝ Վերապատուելի Սերոբ Մկրտիչեանը որ նաեւ գիրքին Յառաջաբանը գրած էր, ներկայացնելու Դոկտ. Յովհաննէս Ահմարանեանի՝ « Հայը եւ Հայաստանը Աստուածաշունչին Մէջ» գիրքը։


Վեր․ Ս. Մկրտիչեան, նախ անդրադարձաւ Դոկտ. Ահմարանեանի կենսագրական գիծերուն, նաեւ յիշելով թէ այս գիրքը կը համարուի հեղինակին 30 -րդ աշխատասիրութիւնը եւ այս տարի իր գրական վաստակին 50 ամեակը։


Ապա Վեր. Մկրտիչեան հետեւեալ հարցումով շարունակեց՝


«Արդեօք Հայը եւ Հայաստանը գոյութիւն ունի՞ Աստուածաշունչին մէջ»։ Ան ներկայացուց գիրքին պարունակութեան ցանկը եւ մէջբերումներով անդրադարձաւ Դոկտ. Ահմարանեանի վերլուծումներուն եւ թէ ինչպէս ան յաջողած է փաստել թէ Հայը եւ Հայաստանը էական եւ կարեւոր տեղ ունին Աստուածածաշունչին մէջ։



Արժանի է յիշել թէ 19-ը բաժիններէ բաղկացած գիրքը հարուստ է թարգմանական եւ լեզուական մէջբերումներով ու մասնագիտական աշխատանքով հարստացած է օտար եւ հայ աղբիւրներ օգտագործելով, տալով գիրքին ակադեմական խորք։


Հետաքրքրական է տեսնել թէ գիրքի իւրաքանչիւր բաժնի վեռնագիրը թարգմանուած է Անգլերէնի եւ գիրքի վերջաւորութիւնը ունի Անգլերէն լեզուով ամփոփում մը որ կարծէք հեղինակը ըսել կ՚ ուզէ եւ ցոյց կու տայ ոչ Հայերէն կարդացողին թէ Հայը Աստուածաշնչական ժողովուրդ եղած է եւ պատմութեան ընթացքին միշտ առկայ եղած է Աստուածաշունչին հետ։


Ապա ծափահարութիւններով հրաւիրուեցաւ գիրքի հեղինակ՝ Դոկտ․ Յովհաննէս Ահմարանեան, որ փոխանցեց իր շնորհակալական սրտի խօսքը եւ պատասխանեց ներկաներուն հարցումներուն։


Գրական երեկոն ճոխացաւ երբ ներկաները ունկնդրեցին Մարալ Բարսեղեանի հոգեպարար մեներգները, դաշնամուրի ընկերակցութեամբ՝ տաղանադաւոր դաշնակահարուհի՝ Եսթեր Ասիլեանի։


Երեկոն իր աւարտին հասաւ Կիլիկիա մաղթերգով եւ Վեր. Յովհաննէս Մելքոնեանի աղօթքով։


Շնորհանդէսէն ետք տեղի ունեցաւ գիրքի մակագրութիւն եւ հիւրասիրութիւն։

Հայ Կիլիկիա Աւետարանական Եկեղեցի

Փասատինա

15 views

Recent Posts

See All

Praying for Real Peace in Turmoil

Messages received recently from our brothers and sisters in Iraq and Lebanon: “Since October 2019, Iraq has been going through a new series of crises: protests, strikes, and road blockage, random kill

DONATE
ADDRESS

818-500-8839

 

411 E. Acacia St., Ste 200

Glendale  CA  91205

 

aeuna@aeuna.org

JOIN OUR EMAIL NEWS LIST
  • Grey Facebook Icon
  • Grey Google+ Icon
  • Grey Instagram Icon

© 2023 by HARMONY. Proudly created with Wix.com